PARIS, Francia – Emmanuel Macron ta segun e prome prognosis diasabra, scogi como e presidente nobo di Francia. Segun e prome encuestanan diadomingo cerca 200 stembureau cu a clausura pa 8’or di anochi, segun television Frances, e partido social-liberal En marche! A haya 65,1 porciento di e votonan. Su contrincante Marine Le Pen di e nacionalista derecha Front Nacional, a keda wanta riba 34,9 porciento.
E resultadonan no ta bin como un sorpresa. E encuestanan a mustra cu desde e prome buelta di e eleccion, dos siman pasa, e victoria tabata hopi amplio pa Macron. E porcentahe a keda riba inicial a keda cu un 74 porciento mas abao compara cu e prome buelta dos siman prome y tambe a keda mas abao compara cu e prome eleccionnan presidencial anterior, cinco aña pasa.
Miles di simpatisante di Macron a reuni na e museo di Louvre na Paris, despues di a conoce e resultado inicial den un ambiente festivo. Macron, kende despues di a conoce e resultado a bay e capital for di su ciudad natal Amiens, a papia cu su sostenedornan durante e anochi di diadomingo.
Fuente: ANP