Tabata algun siman atras cu despues di e torencial awasero cu Aruba a haya na dos ocasion damnan rond Aruba a yena. Mirando e ultimo torencial awasero mayoria dam a bay over. Manera semper nos personal ta sali y haci un chekeo di e damnan pa asina nos ta na altura cua ta e damnan cu cu a bay over. Asina nos departamento di Agricultura, Cria y Pesca ta traha pa asina nos tin tur dam rond Aruba bou di control.
Na momento di un torencial awasero claro ta bin e parti tambe e control pa loke ta trata e fluho di awa caminda cu cierto pasadanan di awa ta wordo blokia cu desperdicionan cu ta wordo tira den cierto rooinan cu ta finalisa na damnan. Esaki por causa tambe cu e awanan di dam por resulta di no mucho bon di calidad pa nos productornan cu ta haci uzo di esaki. Manera tabata e caso di algun siman atras caminda cu Departamento di Agricultura, Cria y Pesca a anuncia den un comunicado cu despues di e ultimo torencial awasero e dam di Noord cu ta keda pariba di Misa di Noord y esun di Tanki Flip cu ta keda patras di Maduro Travel na Shaba despues di un control riguroso di e awa pa departamento di Salubridad a resulta cu e awa di e dos damnan aki no tabata di bon calidad. Awor cu alugun siman a pasa Santa Rosa conhuntamenre cu Departamento di Salubridad a haci algun otro analisis di e awa cu na e momentonan aki e dos damnan aki ta liber di cualkier peliger. Nos productornan local por cuminsa haci uzo di e awa di un di e dos damnan aki un biaha mas.
Danki na Departamento di Salubridad cu ta trahando conhuntamente cu Santa Rosa pa asina nos por sigura un miho calidad di awa di dam pa nos productornan local.