Gary Kurtz, director di cine Mericano y productor di peliculanan “Star Wars: Episode IV A new hope” y “Star Wars: Episode V The Empire Strikes Back”, a fayece diadomingo ultimo, 23 di september.
Esaki degun un informe dialuna di Hollywood Reporter. Esaki lo ta basa riba declaracionnan di famia, cu a informa cu e cineasta a muri di cancer na London, na edad di 78 aña.
Hunto cu George Lucas, nan a funda Star Wars Corporation, unda el a eherce como vice – presidente y a supervisa e desaroyo di e peliculanan di e saga Skywalker.
Kurtz tabata wordo considera pa hopi un pionero den e industria cinematografico y un maestro den e arte di cine y cu a comparti su amplio conocimento di e industria cu e cineastanan principiante. E tabata solidario y un cabayero. Algun ta consider’e un di e almanan mas amabel di e profesion, modesto, humilde y un homber unico.