Den tur supermercado, e prijs di e producto riba shelf ta inclui belasting cab. E consumidor mester ta atento cu na caha e no mestr bolbe paga belasting ariba e productonan aki. Sra. Suhaila Maduro, di Departamento di Asuntonan Economico, di Seccion di Prijs, ta amplia mas ariba esaki.
Den e canasta ta basico tin 11 producto y ta ariba esaki ta loke Departamento di Asuntonan Economico ta controla. Sinembargo, otro productonan no regula tambe ta duna informacion ariba esey. P.e. e macuto di compras, cu ta keda publica cada 2 siman.
Departamento di Asuntonan Economico a desaroya un app yama Control di prijs. Esaki ta wordo adapta cu cada publicacion. E ta obtenibel tanto den Playstore pa telefonnan/dispositivonan Android of den Apple Store pa iPhone.