Un conferencia di prensa a wordo yama pa Ministerio Publico pa conoce e Procurador General nobo pa Aruba, mr. Alexander van Dam, e ta conta un tiki di su mes.
Na 2000 el a wordo opgeleid como officier van justitie na Amsterdam, caminda cu el a trata cu varios delito, violacion, droga, atraco, manera cu ta wordo yama como HIC (High Impact Crime). Dado momento el a bira Officier Zware en Ondermeine Criminaliteit, caminda cu el a enfoca riba terorismo, esey tabata na 2004. Net ora cu el a drenta, Theo van Gogh a wordo mata, e conocido periodista na Amsterdam. El a haya tarea di Hoofd Officier pa desmantela un cel terorista. El a ricibi hopi informacion di AIVD. Durante e priodo ey a detene un total di 12 persona. El a haci e trabao aki pa varios aña. Dado momento el a bay den un management team na Den Haag pa e mesun trabao. E ora el a bay Amsterdam pa un trabao cortico pa asina cubri un otro caso basta complica, caminda cu a persigui 600 di e criminalnan mas busca den e ciudad aki. Tabata tin varios trayecto pa asina una bes nan wordo gara, toch yudanan cu nan nazorg.
Na aña 2014 caba el a trata casonan grandi den Mundo baho afo y na Aruba mes segun van Dam. Van Dam a traha na varios ciudad di Hulanda, manera ya menciona, tratando casonan complica y grandi, cual hopi di nan el a sa di pone punto final.
El a trata varios caso di droga y tambe gangnan di brommer, gangnan tambe di auto, manera Hells Angels y tiponan asina. Hopi biaha ta asocia tipo di gangnan asina cu droga y cu arma. E tipo di experiencia el a acumula den 2 aña. Despues el a haya e propuesta pa asina e haya e trabao pa bira PG na Aruba. E mester a sigui cierto proceduranan y tambe papia cu minister Dowers. Despues Corte Comun di Husticia a impone varios rekisito, nan a haya cu e tabata adecua pa bira un PG y ya caba e tey 2 luna, yena cu energia, plan y idea pa cumpli cu su trabao.