E sistema di procesa y sortea sushi ta uno hopi limpi y no ta forma peliger pa nos medio ambiente. Ta sortea e sushi prome y ta saca tur loke por wordo recycle. Ehempel ta hero, aluminium, etc. Sr. Ramsey Habibe, Manager di EcoGas ta splica.
Ta saca hopi organico, piedra, santo, glas y loke ta keda ta loke ta yama RDF. E ta un material cu ta carven based. E ta pasa door di un compacter, y ta comprimi e material cu 80% y djey e ta extrui den un saco, un environbale cu ta cla pa wordo dera.
Esaki ta algo di cual e material a wordo getest, supervisa door di Directie Natuur & Milieu. Ecogas a pasa den un proceso basta fuerte di supervision. Y esey ta duna e trankilidad di cu e producto ta un producto safe. Ora cu e producto wordo dera, en principio, e ta keda eybou pa semper. E tereno cu ta tapa, ta un tereno cu por wordo reuza, no pa traha edificio, pero si por traha windpark, parke di molina, parke pa cana, etc. E ta algo cu ta wordo haci mundialmente.
Por ultimo, Sr. Ramsey Habibe a splica cu e otro productonan cu ta wordo separa, por ehempel, pa loke ta hero, nan ta haci esaki limpi y ta wordo exporta. Pa loke ta e plastic, e mercado pa esaki no ta asina facil, ya cu si un fraccion di e plastic ta contamina, esey por trece problema cerca e cumpradonan.