Presidente di Aruba Lions Club, a declara durante un entrevista, cu problemanan social ta keda crece na Aruba. E ta sigui splica cu e problema ta basta grandi. Aruba Lions Club, ta yuda te unda cu nan por. Pero tambe ta purba na un otro manera reeduca e comunidad, con na un manera por yuda nan, cu nan por cana bay na diferente instancia. Aruba Lions Club ta evalua tur peticion y a base di esaki ta bay wak tambe. Tin un comision special cu ta wak tambe e situacion di e ciudadano, cu a haci e peticion na Aruba Lions. A base di esey ta bay over e ora pa bay den directiva of Club cu e asunto eynan y a base di esey ta haci e donacionnan. E problema social ta keda grandi. Un parti por bisa di comunidad ta keda depende di Aruba Lions Club.
Nan a pone e prome piedra di nan cas, pa asina por haya fondo pa door di e rifa y asina brinda comunidad ayudo te unda cu por brinda, Vrolijk a splica.
E problemanan social ta di diferente sorto. Ta haya problemanan di salud tambe, cu ta afecta nos hopi y hopi biaha nan ta bay hunto. Un persona cu por ehempel perde pia, perde brasa, bira handicap, automaticamente no por funciona mas den comunidad y ta trece un bashi grandi financieramente. Of un persona cu perde trabao, ta dificil pa haya trabao di biaha y esey ta trece cu e ta cay den un bashi y como persona, bo ta bira fastioso. Aruba Lions ta wak te unda cu por yuda e personanan aki. Ta verwijs nan door pa un solucion. Tin biaha ta purba di educa e persona con nan tin cu cana y esey no ta e caso e ultimo remedio ta bira cu ta haci un donacion financiero. Pero den tur caso ta evalua nan cautelosamente y a base di recomendacion di e condicion cu tin, specialmente pa esey, ta duna e donacionnan.
Aruba Lions no ta baha ningun ayudo, sino ta evalua nan. Awor aki ta den e periodo cu ta den e parti principal cu ta rifa di cas. Sin e rifa di cas, por haya mil y un peticion, pero si no tin fondo, y pesey ta haci un yamada dramatico na comunidad, pa yuda den compra di e rifa. Cu compra di e rifa ta haci un donacion na comunidad y e donacion ey 100% ta hink’e bek den comunidad. Despues di e rifa ta bay continua cu tur e peticionnan cu tin. Claro si tin un caso urgente, ta evalu’e y trat’e di biaha.
Despues di e rifa, ta sigui evalua na gran escala tur e peticionnan y wak con por haci donacionnan of yuda e personanan.
Aruba Lions a cambia su sistema tambe. Ta duna hopi donacion humano, unda cu e miembronan ta sali yuda hende den comunidad, Vrolijk a bisa por ultimo.