Minister di Asuntonan di Labor y Social, Sr. Glenbert Croes a elabora pa loke ta trata e desaroyo di e problemanan social di nos comunidad.
Esaki ta un situacion basta delicado unda cu e Minister di Asuntonan Social a expresa cu lo tin hopi fundacion trahando riba e problematica aki unda cu Sociale Zaken ta sostene tur e fundacionnan aki. E trahadonan den e area aki den tur e fundacionnan a expresa nan preocupacion unda cu gobierno di AVP lo a kita e subsidio cu lo mester cay bou e sector aki , caminda cu Ministerraad di Aruba lo bay sinta pa reevalua hunto cu Minister di Asuntonan Social y di Finanzas pa papia over di e tema aki y bin cu’n proposicion unda lo garantisa na tur e trahadonan di tur e fundacionnan cu nan beneficionan y derechonan adkiri lo ta garantisa pa gobierno actual, pero lo midi nan output of e resultado di con eficiente e departamento ta den inversionnan den proyectonan. Pero loke ta trata trahado no por tin discusion cu beneficionan primario y secundario den tur fundacion, unda algun ta igual cu’n ambtenaar, nan derechonan adkiri no por mishi cu nan.
Mas aleu, e minister tambe a bisa cu no por toch cu e beneficionan di trahado, y esaki a bin dilanti despues di menciona caso di gobierno anterior cu lo incumpli cu e pagonana di cierto beneficionan cu lo tabata obliga di paga , manera vacantieuitkering, y periodieke bevordering, nan no por pag’e unda cu AVP hasta a yega di bin cu auto subsidio pa corta nan propio gastonan.
No por mishi cu e pan di trahado den fundacionnan pasobra bo ta kita e animo di e trahado den tur sentido. E ora esaki ta keda refleha den e calidad di trabou, y cu lo hende profesional cu nan ta stima nan trabou y nan lo bin na pia di trabao tur dia, unda cu nan lo tin e responsabilidad di wak y guia nos muchanan, hende muhe cu dificultad, adictonan den rehabilitacion entre otro. Y asina lo tin hopi fundacion por ehempel Trampolin pa Trabou ta un otro fundacion cu ta yuda hobennan dificil, pa preparanan den nan carera laboral.
Imelda Hof cu Casa Cuna tambe nan lo ta realiza un trabaou arduo pa cu crianza di e muchanan. Casa Cuna ta handle e muchanan mas chikito y Imelda Hof ta aloha nos hobennan y OC ta pa muchanan un poco mas dificil.
Gobierno lo bay inverti 35 miyon, aunke cu Aruba ta den un crisis financiero pero toch nan a destina e fondonan aki pa cu e causa aki cu lo tin hopi balor pa pueblo y sector priva lo ta invita pa participa den algun aporte cu lo por ta den nan man pa bay traha hunto cu otro.
Ta creando un campaña tambe na scolnan unda cu ta envolvi e parti di trahado social na scol cu lo hunga un rol tambe, ya cu a wordo haya rapportnan cu cierto docentenan a denuncia algun situacion irregular cu mucha. Eynan mes ta unda nos mester referi nos mucha ora lo tin algun situacion pa resolve pasobra trahado social lo tin e experiencia y experticio pa yuda riba un solucion trempan y no laga ni un mucha mas muri.
Casonan cu Bureau Sostenemi y Directie Sociale Zaken a bin ta realisando un tremendo trabou, y tur e otro fundacionnan tambe. Gobierno ta dunando y empleando mas trahadonan social. Tin hopi hoben na EPI ta cabando nan formacion y tambe na Universidad di Aruba y hendenan adicional cu conocemento den e area social cu kizas tambe lo por yuda gobierno cu e desaroyo di e tarea aki.
Y por lo pronto gobierno ta zorg pa tene areanan di ayudo social den condicion optimal y duna tur cos cu mester pa duna asistencia social pa nos pueblo y den futuro logra cu tur fundacion lo keda traha den conhunto y lo por yuda cu otro y unda cu Gobierno di Aruba lo compromete den un forma humilde y incondicional pa logra e metanan premira den area social.