Problemanan di comportacion bou muchanan di 5 aña cu ta pasa hopi tempo tras di pantaya

WASHINGTON, Merca.- E consumo di contenidonan a traves di e pantayanan cu ta supera dos hora diario den muchanan menor di 5 aña a wordo vincula cu un riesgo mas halto di sufri di problemanan di atencion, segun un estudio publica diaranson pa e revista Plos One.
“Nos a haya cu muchanan cu ta uza mas di dos hora di tempo di pantaya pa dia tabata tin significativamente mas problema di conducta entre muchanan di 5 aña”, e autor principal, Piush Mandhane, di e Universidad di Alberta, Canada.
Mandhane y sus coleganan a analisa datonan di estudio di serie di nacemento “Healthy Infant Longitudinal Development” (CHILD), basa riba e poblacion Canades, pa determina e asociacion entre e tempo di uzo di pantaya y e resultadonan di comportamento di e edad di 5 aña.
E mayornan a informa di e tempo total di nan yiu, incluyendo videogame y celular, y nan a completa e lista di verificacion di comportamento infantil ora cu e mucha tabata tin 5 aña.
E averahe di tempo di uzo di pantaya tabata di 1,4 hora pa dia cu 5 aña y 1.5 hora pa dia cu 3 aña.
Compara cu muchanan cu ta uza e pantaya menos di 30 minuut pa dia, 13,7% cu a uz’e mas di dos hora tabata tin 5 biaha mas chens di haya problema cu su comportacion “clinicamente significativo” y tabata 5.9 biaha mas probabel cu e ta padece di problemanan di falta di atencion.
Ademas, e menornan cu mas di dos hora di pantaya pa dia tabata tin un risico 7.7 biaha mas grandi di cumpli cu e criterionan pa e trastorno pa deficit di atencion of hiperactividad.
Segun e autornan, e descubrimento ta indica cu e etapa preescolar por ta un periodo “critico” pa educa e mayornan y famianan na con pa limita e tempo dilanti un pantaya y alenta e actividad fisico.
“Mas hopi tempo e mucha pasa haciendo deporte organisa, menor problema di atencion nan tabata demostra den nan comportacion”, e autornan a bisa.
Den nan conclusion, e cientificonan a sentencia cu e resultadonan di e estudio “ta apoya un comienso activo pa muchanan cu ta traduci den e tempo di pantaya reemplasa pa deporte”.

Comments

comments