Stress y falta di personal na Aduana tanto na Barcadera y Vrijmaking cu tin desaroyonan no positivo ta pasando den e personal di e departamento. Sr. Eduard Maduro ta splica.
Nan tabata tin varios comberacion cu tabata ta staciona na Vrijmaking cual ta atende cu e container. E falta di personal ta traduci den mas presion ariba esunnan cu ta trahando cu consecuencia cu esakinan no por sigui carga tur e presion, segun Sr. Maduro. Eventualmente e stress ta pone cu bo no por funciona debidamente. Pero apart di falta di personal na e seccion di Vrijmaking, tin un situacion cu coleganan ta señala e parti unda tin un sistema unfair ta pasando. Esaki a keda señala na Minister y leiding, unda cu tin dos pa tres comerciante cu tur dia tin un ambtenaar reserva pa nan. Si acaso den un dialuna mainta, tin 10 ambtenaar pa vrijmaking, pero tin 3 reserva incondicionalmente pa e comerciantenan grandi. E comerciante chikito, kisas un 20 ney, tin di sinta estilo “stoelendans” pa wak ken ta haya beurt prome.
Sindicato di Aduana ta condena esaki, ya cu esaki no ta fair. Ta privilegia tres comerciante “grandi”, aunke den ley no mag di privilegia niun hende. Esaki ta di lamenta ya cu comerciantenan logicamente lo cuestiona e ambtenaar cu ta trahando, pero nan no por haci nada, ya cu e ta ordo cu ta bin di ariba, di parti di leiding. A señala esaki na e director, pero e no ta splica y duna motibo pakico e comerciantenan aki si ta haya un ambtenaar un biaha pa dia, cu apesar cu nan tin un ambtenaar sigura pa traha na nan band, cu si nan haci peticion pa un container na nan band, nan ta hay’e tambe. E comerciantenan aki, segun Sr. Maduro, por haya 2 ambtenaar ariba un dia. Y ta laga e otro comerciantenan campa henter mainta pa wak ki ora nan ta haya un ambtenaar, te cu nan ta bandona e luga pa bolbe bek merdia. Esaki no mester pasa mes, segun Sr. Maduro a señala.
E directiva, a pesar cu a cuestiona esaki den varios reunion, te ainda no a haya un splicacion dicon e hendenan aki ta wordo privilegia. Ora di puntra, tur hende ta core pa e pregunta. Ora di papia di Douane, ta papia di full e cuerpo anto ora cu ta papia malo, esaki ta afecta full e cuerpo di Aduana. Nan ta na altura cu nan falta di personal, pero locual cu al kier ta pa ta eerlijk. Y no cu tur dia e mesun comerciante ta haya un ambtenaar, ya cu esaki ta trece cuerpo di Aduana den un lus negativo, segun Sr. Eduard Madurdo, di SADA.