Diadomingo den oranan di anochi polis a keda informa cu tin un bululu atrobe den e cayanan di Wernetstraat y Kiviti unda atardi caba tabatin e pelea entre varios homber. E situacion parce a bolbe bay fo’i man unda a usa arma blanco y tin hende herida. Habitantenan a mira zwaaimento di machete y sla ta cay riba caminda di Kiviti varios hende homber riba caya bringando cu otro.
Un homber corta na frenta a yega un cas na Wernetstraat pidiendo ayudo y otro herida cu golpi na cabes a yega un cas na Kiviti cu tambe tabata pidi ayudo. Polisnan a mobilisa di tur banda pa busca informacion. E homber cu kap a bay centro medico den auto particular, polis a presenta na centro medico pa busca informacion. Na Kiviti ambulance a presenta pa atende cu e homber di edad jong, departamento tecnico tambe a presenta pa saca potret di e auto debi cu a haya sanger na dje. Den cayanan poco pazuid oficialnan a topa cu cadena, slof y mas cos cu a keda usa durante e pelea y esaki a keda tuma den beslag.
