Diaranson atardi patruyanan di Noord a drenta accion lihe den area di Malmok unda na un cas na Saliña Cerca a surgi problema entre dos homber y caba cu menasa. Ta dos homber conoci di otro y un di nan ta cansa di e abuso cu e homber ta haciendo na cas cu su grandinan y debi na rabia e homber a menasa e habitante cu arma. Polisnan yegando na e sitio a topa cu e van cu e homber a bandona e sitio cu a menasa e persona y a bay listra den e vehiculo. E homber a comenta cu den su rabia e la menasa e persona cu arma pero e no tin. Polis a listra tur caminda pero sin ningun resultado y a haya un machete y a tuma esaki den beslag. E chef di Noord tambe tabata presente y a duna un man tambe cu e asistencia aki y busca mas informe. Polis a intermedia pa asina por reina un paz entre e dos hombernan.