Problema di scarsedad di docente ta na nivel mundial

Cu Aruba tin un scarsedad di maestro no ta niun secreto, pa cual a combersa ariba e motibonan pa cual tin asina un scarsedad cu e mandatario encarga cu Enseñansa, drs. Rudy Lampe.

Sr. Lampe a cuminsa na bisa e problema ta na nivel mundial. Aruba tin un scarsedad di dos profesion hopi grandi, cualnan ta verpleger y maestronan di scol. P’esey na Hulanda a aumenta e salarionan di docentenan, pa por atrae maestronan. Na Merca of Canada, salario di un verpleger ta halto, door cu nan tin un scarsedad y nan ta atrae esakiann di tur parti di mundo. Dus, e no ta algo di Aruba so. E dos profesionnan aki cu tin di haber cu cuido, tin menos interes pa nan.

Lo mester bin cu’n campaña pa promove, pa stimula, pa nos hendenan por mira cu e ta un bon profesion. E ta un profesion bunita, uno noble, tanto esun di docente, como esun di verpleger. Pero e no ta uno facil, p’esey e ta bira menos atractivo, ya cu e ta un trabao hopi pisa, ya cu e muchanan di awendia, no ta solamente pa siñanan nan lesnan. Pero como maestro, bo ta bira cuidado tambe di mucha, ya cu e mucha tin su historia. Hopi biaha e mucha ta trece su problemanan emocional cun’e den klas, problemanan social, problemanan di pobresa.

Como maestro, e docente mester sa con pa atende cu e problematicanan aki. Esaki ta haci e profesion uno pisa. E ta algo cu ta bale la pena, y p’esey e ta bale la pena pa stimula nos hobennan pa studia y stima e profesion aki. Te asina leu, minister di Enseñansa, drs. Rudy Lampe.

Comments

comments