Comandante na warda a manda patruya di strandpolitie na altura di Chalet Suisse pa un pelea. Eynan patruya di trafico tabata rapidamente na e sitio, mirando cu nan tabata den vecindario. A bin resulta cu e conocido di polis, Coco di Peardise Watersports a haya problema cu 4 turista. Parce cu 7 turista a huur 7 waverunner pa 120 dollar pa 1 ora. Peardise tabata tin solamente 3 waverunner y a presta e otronan for di otro companianan di watersport, entre otro Cesar’s Watersport. Pa e cuater otro waverunnernan, e turistanan no a firma ningun waiver. Pa e waverunner di Cesar Watersport, di cual no a firma ningun waver, aparentemente lo a sufri daño durante e trip. Un turista femenino aparentemente lo a uza e waverunner aki. E muhe no tabata mas na e sitio mirando cu Coco a rabia y a atende cu e turistanan severamente y a cobra nan $500. E turistanan a pensa cu nan no a merece esaki y a contesta Coco bek. Coco a bisa cu nan a bira gangster riba nan, di cual e tambe a bira gangster riba nan. El a bisa nan cu e lo scopnan mata. E turistanan a declara cu door di e expresionnan aki, nan a dicidi di cana bay, pa evita mas problema. Polis, Coco y e cuater turistanan hunto a bay mira e daño di e Waverunner. Parce cu esaki a wordo haci rrecientemente. Coco a bisa cu, el a controla e waverunnernan prome cu nan a subi lama y e daño no tabata tey. Un di e cuater turistanan, CMcL, kende ta un agente policial di New York, a bisa cu e daño no tabata bieu, pero e no por bisa si esaki a tuma luga durante e trip. E cuater turistanan na e sitio a bisa cu nan no a sinta riba e waverunner eynan y no sa kende lo a haci esaki. Coco a bisa na e turistanan cu e mester paga e daño na e waverunner for di su propio salario y nan mester ta honesto cu nan lo a comete esaki. E turistanan a bisa prome cu ta $500 y awo direpiente $200. Coco a bisa cu e daño ta di $200 y si nan no kier pag’e, e mes mester page, no ta haci un diferencia. E turistanan a drenta den un taxi y despues a core bay. Comandante na warda a wordo poni na altura.