Prizon ta conta cu aparatonan nobo di scanner prome cu drenta paden

Minister di Husticia Sr Andin Bikker a duna di conoce cu nan tin un periodo basta intensivo y mehoracionnan visibel y concreto ta tumando luga na KIA y esaki ta den cuardo di esfuerso pa yega na un instituto nobo cu tambe tin su proceso ta andando. Awe un di e procesonan cu nos ta trahando riba dje a keda inaugura y esey ta e scanner nobo cu tin tres aspecto di dje.

Un ta e parti di scan tas y otro cosnan cu hende ta bin cun’e pa durante ora di bishita y pa subi e tereno di e instituto coreccional.

E di dos aparato ta e scanner pa hende pasa aden pa detecta si tin cos den su paña o curpa ta mes un tipo di scanner cu airportnan internacional ta usa.

Y e di tres aparato ta uno nobo cu a keda introduci pa deteca celular y cosnan metal na curpa prome cu bay paden.

Minister Bikker a duna di conoce cu pa hopi tempo KIA no tabata tin scanner cu ta dedica pe y hopi biaha tabata haya donacion di aparato cu tabata wordo usa otro caminda, y ora e duracion tecnico pasa nan ta wordo poni disponibel na KIA y netamente nos gobierno a dicidi cu kier tin aparato dedica cu ta lease y periodicamente ta wordo manteni y asina por garantisa e seguridad di tur persona cu ta den funcionan di nan trabou.

Comments

comments