Diasabra anochi Biblioteca Nacional tabata di fiesta ora cu a habri e exposicion di Kids Council Aruba, titula: “Voznan ta resona, Muchanan ta opina”.
E exposicion a wordo realisa pa para keto un rato y mira bek riba tur locual a wordo realisa te awor aki cu Kids Council na Aruba.
Sra Alice van Romondt durante su speech na apertura a expresa cu Aruba ta contento y orguyoso di ta forma parti di e organisacion cu prinses Laurentien a lanta na Hulanda cu yama Missing Chapter Foundation.
For di Missing Chapter a lanta Kids Council y Aruba ta parti di e Kids Council for momento cu na 2012 Alice van Romondt a laga grupo di Idioma di Directie Onderwijs traduci e famoso bukinan di mr Finney skirbi pa prinses Laurentien.
Awe tin Kids Councils na Hulanda, Corsou, Boneiro, Isla Riba, Francia, Alemania y Aruba.
Na Aruba tin ATA, AHATA, Divi, Renaissance, La Cabana, Amsterdam Manor, AIB, Nagico como partner y 4 otro compania na caminda cu tin un Kids Council di e diferente scolnan participando manera; Scol Primario Kudawecha, PiusX School, Pieter Boerschool, Hilario Angela, Prinses Amalia Basisschool, Filomena Colege, Y Pastoor Kranwinkel.
Un invitacion pa henter comunidad, scolnan, mayornan y companianan interesa pa bishita e exposicion y admira locual cu Kids Council y su partnernan a realisa te awor aki. E ta duna un bista di e 6 stapnan cu e proceso ta tuma pa yega na e final cu ta e sesion di dialogo enter hoben y compania. Aki e bos di e hoben ta resona. E hobennan ta trece nan ideanan padilanti y ta conseha e compania riba un posibel solucion riba e dilema cu e compania of organisacion a presenta.
E exposicion ta habri durante oranan cu Biblioteca Nacional ta habri, cu ta dialuna , diaranson y diabierna te cu 7 or di anochi nonstop.
Pa mas informacion por tuma contacto cu e Team Kids Council Aruba, esta Alice van Romondt , Mirla Passchier (program manager), Jerrelyn Kannegieter-Wever (consehero), Ryan Oduber (media y audiovisual), René Kannegieter y Henry Barera (sosten y guia pa maestronan)
Un danki grandi na Wine and Dine, White Modern Cuisine y Divi kende a “malcria’ e invitadonan na un manera hopi special.