Dialuna 6 di november den oranan di atardi, Prinses Beatrix a yega Curacao pa un bishita cortico como patrosinador di e fundacion Dutch Caribbean Nature Alliance. Su excelencia, Gobernador Lucille George Wout y Vise Minister president Ruthmilda Larmonie Cecilia tabata presente na aeropuerto pa ricibi Prinses Beatrix.
Diamars 7 di november 2023, Prinses Beatrix a bishita Landhuis Savonet y tambe Boca Pistol, esaki ta den cuadro di su bishita na Curacao. Parti di e programacion di awe tabata presencia un les tocante natural na algun alumno di scol di Fundeshi, comparti informacion tocante renobacion y historia di e landhuis y alaves investigacion tocante e posnan di Savonet. Na parke nacional shete Boca a bishita Boca Pistol caminda a comparti informacion tocante formacion di e bahia y e barancanan.
