Diasabra 14 di Januari, Aruba a conoce su Prins y Pancho pa Carnaval 63. A tene eleccion di Prins cu Pancho den categoria infantil, hubenil y grandi.
Un anochi bon anima na unda tur e hobennan a sa di demostra nan talentonan. Aunke cu lo a desea di mira mas participante, SMAC ta sumamente contento y agradecido na gruponan di Carnaval cu a sa di respalda e teamnan.
Na final di anochi a eligi Prins y Pancho e resultadonan ta lo siguiente:
Categoria Infantil:
“Prins Por”, Li-Angelo Quandt y “Pancho Mas”, Shaiyron Alexander representando Champagne Carnival Group
Categoria Hubenil:
“Prins Bo Tin”, Giomir Leocadia y “Pancho Curashi”, Lixander Lambrinos, representando Dushi Carnival Group
Categoria Grandi:
“Prins Milk”, Randy Hernandis y “Pancho Shake”, Roberto Hernandis representando Champagne Carnival Group.
Un pabien grandi na tur participantenan y danki na e publico cu a bin pa apoya nan.