Megan Markle y Prins Harry a tuma decision di bandona nan puesto den Famia Real Britanico despues di nan retiro temporal di bida publico. E pareha a comunica nan decision den un mensahe publica atrabez di nan cuenta oficial di Instagram. “Despues di hopi lina di reflexcion y discusionnan interno, no a dicidi pa haci e transicion e aña’ki pa cuminza haci un rol nobo progresivo den e institucion aki”, asina e pareha a declara. “Nos tin e intencion di dal un paso atras como miembronan “mayor” di Famia Real y traha pa nos ta financieramente independiente, sin stop di apoya su manestad La Reina totalmente. Ta cu su forma di ta particularmente den e ultimo añanan, cu nos ta sinti nos mes prepara pa haci e cambio aki”, asina nan a sigui bisa. Nan ta sigui bisa: “ Awo nos tin planea pa balansa nos tempo entre Reino Unido y Nort America y sigui honra nos deber cu La Reina, commonwealth y nos patrocinadonan. E balans geografico aki lo permiti nos cria nos yiu cu mas apreciacion pa cu e tradicion real den cual el a nace, na mesun momento cu e ta brinda nos famia e espacio pa centra nos mes riba e proximo capitulo, incluso e lanzamento di nos fundacion caritativo nobo. Nos ta spera di por comparti e detayenan completo di e paso emocionante aki na su debido tempo, mientras cu nos ta sigui colabora cu Su Mahestad La Reina, Prins di Gales, Duque di Cambridge y tur otro miembro relevante. Pesey for di awo caba acepta nos mas sincero gradicimento pa boso continui apoyo”. Esaki tabata e mensahe cu nan a pone riba nan cuenta di Instagram pa anuncia nan decision.