Prince Royce lo organisa un concierto benefico na Santo Domingo

0
RBC Juli 2018
Funmiles-2018

ENTERTAINMENT

SANTO DOMINGO, Rep. Dominicana- Prince Royce lo duna un presentacion dia 17 di Februari proximo den e Palacio de los Deportes de Santo Domingo den un concierto con motibonan caritativo cu lo reuni e grupo Ilegales y e cantante urbano Mozart La Para, segun e organisadonan a anuncia.
E fundacion Quiereme Como Soy a destaca cu e recursonan di e espectaculo lo wordo distribui entre entidadnan educativo local cu ta ehecuta programanan na fabor di personanan cu Down Syndrome y otro condicionnan special.
E entidad a destaca cu aña pasa a logra yuda mas di 118 mil studiante den varios punto di e pais y cu nan esfuerso ta dirigi na logra cu e segmento di e sociedad lo por incorpora den e campo educativo y laboral.
E obhetivo mas grandi di Quiereme Como Soy ta pa personanan cu condicionnan special por wordo integra den sociedad. E artistanan a compromete nan mes cu e causa pa un impacto positivo den un Republica Dominicana mas inclusivo”, segun e presidente di e fundacion Oscar Villanueva.
Royce, un di e artistanan internacional mas importante di e genero di bachata, a nace na The Bronx, New York, di mayornan Dominicano y desde su prome album na 2010 a realisa colaboracionnan cu Jennifer Lopez, Shakira y Pitbull, entre otro.

Fuente: http://www.excelsior.com.mx

Comments

comments

C: Heineken
new india