NEW YORK, Merca- E strea di pop Latino, Prince Royce lo realisa un gira pa 21 ciudad Mericano, den e zomer aki. E meta di e gira ta pa promove su mas reciente album.
Prince Royce, conoci pa su bachatanan Dominicano, na Februari a lansa su di cinco album “FIVE”, cu ta inclui colaboracionnan musical manera di Chris Brown, Zendaya y Shakira.
“MI ta kere ta importane pa semper purba cosnan nobo”, Royce di 27 aña a declara na Reuters diamars. “Den e album aki nos tin Chris Brown cantando bachata y el a haci un parti di esaki na Spaño, Zendata tambe a canta na Spaño”, e cantante a comenta.
Royce a bisa di tabata un placer di a traha cu Shakira, agregando cu e cu Shakira tin hopi cosnan en comun cu otro.
Desde cu e la lansa su carera na 2009, Royce cu a nace den e bario Neoyorkino di Bronx, a logra 15 biaha e puesto number un riba e rankingnan Latino, 21 premio Billboard Latino y 9 nominacion pa Grammy Latino.
E cantante lo cuminsa su gira dia 29 di Juni na Laredo, Texas y esaki lo termina dia 30 di Juli na Miami.
Fuente: Reuters
Comments
