Prijsnan maximo stipula pa productonan di canasta basico ya ta inclui BBO/BAZV/BAVP

0
RBC Juli 2018
Funmiles-2018

Den pueblo hopi bez por skucha e discusion si riba productonan di canasta basico mester cobra BBO/BAZV/BAVP si of no. Pa e motibo aki Gobierno pa medio di Minister Ruiz-Maduro hunto cu Departamento di Asuntonan Economico (DEACI) ta haya necesario aclarea e situacion y conscientisa tur consumidor cu prijsnan maximo stipula pa productonan di canasta basico ya ta inclui BBO/BAZV/BAVP, den cada publicacion. Aki ta trata di productonan den canasta basico cual ta aros, azeta, cuminda di baby, hariña di maishi, lechi polvo, lechi likido, margarina, manteca, koffie, te y sucu.

Consumidornan mester tene bon na cuenta cu e prijs na caha no por surpasa e prijs maximo inclusivo BBO/BAZV/BAVP calcula pa Departamento di Asuntonan Economico y Industria (DEZHI). Si bo persona paga mas cu e prijs maximo, por favor tuma contacto cu e departamento di DEZHI na telefoon 521-2423.

Ademas Minister di Finansa, Asuntonan Economico y Cultura ta recorda cu tin un app disponibel den cual por verifica e prijs maximo di tur producto den canasta basico, por haya informacion di comparacion di prijs di producto den e macuto di compras y por haya sa e prijs di productonan petrolero. Por download e app “Control di prijs”, cual ta disponibel riba Google Play y App Store.

Comments

comments

C: Heineken
new india