WASHINGTON, D.C., Merca- Prijsnan di petroleo a aumenta pa su punto di mas halto, mei mei di e tensionnan di un posibel atake di Merca contra di Siria.
Brent Crude a subi na $71.33 pa bari diamars atardi laat, yegando su punto mas halto desde december 3, 2015,
E producto Mericano West Texas Intermediate (WTI) a subi na $65.86 pa bari pa 7 or y 15 diamars anochi. Esaki ta su punto mas halto desde 27 maart ultimo.
A pesar di cu Siria no ta un productor importante di petroleo, e extenso Medio Oriente ta un exportado di petroleo importante y tensionnan den e region tin e tendencia di sacudi e mercado petrolero.
Presidente Donald Trump y su aliadonan Occidental ta papiando ariba un posibel accion militar contra di Siria, despues di cu nan a acusa presidente Bashar al-Assad pa un supuesto atake cu gas venenoso den un bastion di oposicion na Damasco.
Gobierno Syrio a pone su forsanan di siguridad ariba un alerta mei mei di un menasa inminente di Trump, cu a bisa di lo responde cu tur su forsa.
Gobierno Sirio y su aliado Ruso a nenga cu e atake cu kimico aki a tuma luga, pero rescatistanan y dokternan a bisa cu decenas di persona, incluyendo mucha y muhenan a muri den e atakenan aki.
Fuente: https://www.aljazeera.com