Diamars mainta prijsnan di petroleo ta subi na Merca, baiendo pa di cinco dia consecutivo cu e prijs pa barril di petroleo ta subi. Segun e estadonan di Merca y Europa ta bai suavizando medidanan di toque de queda (lockdown) den cada estado y pais, e demanda pa petroleo lo sigui aumenta cual lo yuda suavisa e exceso di petroleo mundial.
Segun e website oilprice.com, diamars mainta e prijsnan di crudo a yega e nivelnan di mas halto den casi un luna unda e compania WTI Crude tawata na 12.47 procent pa $25.72 pa barril y Brent Crude tawata cresiendo na 10.59 procent pa $30.18 pa barril. Dunando invercionistanan y commerciantenan e pensamento cu e temporada mas dificil pa crudo ya ta tras di lomba y cu e demanda pa crudo lo solamente aumenta.
Como cu ta spera cu e demanda lo aumenta gradualmente, ta spera cu e suministro mundial de petroleo lo disminuya durante e siguiente lunanan. E grupo OPEP + a priminti di hasi restriccionnan riba e produccion di 9.7 miyon bpd durante mei y juni, prome cu reduci e produccion pa 7.7 miyon bpd pa e temporada di juli pa december 2020.
Analistanan y comerciantenan ta spera cu e combinacion di un demanda creciente y un reserva decreciente lo alivia e exceso di petroleo y cu esaki na su turno lo stop e prijsnan di petroleo for di baha.