Prijs di petroleo a sufri un caida despues di cu e Organisacion di Paisnan Exportadornan di Petroleo (OPEP) na juli a alcansa su maximo punto pa e aña aki. Esaki ta segun informenan di Reuters.
Prijs di crudo Brent pa tabata na 74.72 dollar despues di a supera e barera di 75 dollar dilauna. Mientras cu West Texas Intermediate (WTI) a registra 69.88 dollar pa bari despues di a surpasa 70 dollar den e session anterior.
Segun cu e informacion di e agencia, OPEP na juli a alcansa un produccion di 32.64 miyon di bari diario, e maximo pa loke ta aña 2018 y un aumento di 70 mil bari compara cu e periodo anterior, como un compensacion pa e inminente sancionnan riba Iran.
No obstante, analistanan ta wak señalnan di cu e mercado di productonan refina di petroleo ta wak un comienso despues di cu e medidanan contra Teheran ta bin na vigor, cual na su bes lo aumenta e diferencia WTI- Brent na beneficio di e exportacionnan petrolero Mericano.