MERCA – Prijs di gasolin lo sigui subi na Merca, despues di e paso di horcan Harvey y e dos mayor refineria di e pais, ubica na e costa di Texas, ta sigui cera y a supera ya 2,63 dollar pa galon (3,78 dollar).
E cifra ta un aumento di 26 cent di dollar of 10% pa loke ta e prijs di un siman atras, segun e datonan di eAmerican Automobile Association (AAA), cu ta sigui e costo di combustibel den henter e pais.
“Consumidornan lo mira cu e prijsnan lo bay aumenta a corto plazo (…) Pero nos no ta spera cu e refinerianan lo ta cera pa lunanan largo y e prome informenan ta indica dañonan menor den esunnan di Corpus Christi y Houston,” Jeanette Cassolano, vocero di AAA a bisa.
Cassolano ta premira cu e costo di combustibel lo cuminsa stabilida y descende cuminsando otro siman.
Pa awo, sin embargo, e dos mayor refinerianan di Merca: Motiva, di e capital Saudi, na Port Arthur y esun di Baytown, cerca di Houston, di ExxonMobil, ta sigui cera dialuna. Entre ambos, tin un capacidad di refinacion superior na 1,1 miyon di bari di petroleo pa dia.
Fuente: www.efe.com