Prome Minister ta papiando di baha prijs di awa y coriente, pa cual a puntra Sr. Luis Oduber tocante e plannan di WEB, di awo pa 2019.
WEB Y REDUCCION DI AWA Y CORIENTE
Sr. Luis Oduber a splica cu WEB ta trahando fervientemente ariba e mehoracion di eficiencia. Esey semper tabata e tarea e ultimo añanan. Locual cu si a sosode, e prijs di fuel ta subiendo. Pero asina mes WEB ta sigui traha eficientemente y tin proyectonan cu nan ta evaluando e ultimo lunanan aki, cu lo yuda sigur sigur den eficiencia grandi den e consumo di fuel oil. Esaki ta un proyecto cu a wordo comparti cu gobierno, pero ainda ta bezig cu e parti final pa loke ta gastonan. Pero esaki ta un proyecto cu lo tin un duracion di por lo menos 12 pa 14 luna. Asina mes ta haciendo tur lo posibel pa wak unda lo por logra un reduccion, pero lamentablemente e prijsnan di fuel ariba mercado ta subiendo y esey no ta na fabor di un reduccion na e momento nan aki.
PARKE SOLAR
Actualmente WEB ta trahando ariba un solarpanel parking riba e tereno di refineria, di 6MW di solo, cu ta den un estado basta avansa cu ta spera di pone den servicio den e di tres kwartaal, sea augustus of september. Esey lo yuda un tiki cu e fuel cu nan ta uza. E ta bay ta un sistema ariba vloer. E no ta bay ta ariba un construccion di un garashi manera esun di airport, ya cu e gastonan di esaki ta mas caro pa instal’e. WEB ta haciendo tur lo posibel pa tene e gastonan mas abao posibel. Pa e motibo ey, ta bezig cu e parke di 6MW na Seroe Colorado, pero mester tene cuenta cu e parke solarnan ta cierto ora di dia so ta saca probecho di dje. Mayoria di dia no tin produccion di solo. Sr. Oduber a splica cu pa logra haya energia mester bay na instalacionnan bastante grandi y naturalmente ta inverti den e parke solar, pa loke ta pafo. Na WEB tambe nan ta bezig cu bateria y tambe flywheel pa wak con ta yuda. Pero pa reduci e consumo di fuel, cu ta e gasto mas grandi, e impacto ta minimal pa locual ta parke solar.
E planta cu mas ta yuda energia di biento. Esey tambe WEB ta canando e caminda necesario pa logra un expansion di esun banda di Vader Piet. Locual ta importante ta cu ta bezig cu algun compania externo pa wak kico ta e impacto, pa wak cuanto energia di biento por hinca den sistema y cuanto energia di solo. Tene cuenta cu e energia di biento y solo ta fluctua durante dia. Aruba ta conoci pa ta un isla di solo, pero tin dia cu tin menos solo y esaki ta afecta e energia cu ta keda produci di e solo.
Ariba un scala chikito e no ta haci diferencia, pero si ariba un scala mas grandi, manera airport y tambe esun na Seroe Colorado, eynan tin un impacto, mester tuma medidanan di precaucion pa e no causa daño na e red di distribucion.