Internacional: Prijs di crudo a subi mas cu $4 dialuna mainta mientras e lucha ta continua entre Hamas y Israel cu a cuminsa riba Diasabra.
Brent crudo tabata wordo negosha cerca di $88 pa bari den comercio mainta na Asia, y West Texas Intermediate tabata cambia di man riba $86 pa bari, ambos cu un aumento di mas cu 3% compara cu e ciere di Diasabra. Pero mainta un rato e prijs a baha un poco, cu WTI cayendo abao di $86 pa barel.
E cambio den prijs ta sigui despues di e atake mas grandi riba Israel den añanan, despues cu den oranan tempran di Diasabra, militarnan di Hamas a drenta e pais via tera, laman, y hasta aire, y a ataca bario Israelita.
Prijs di petrolero a reacciona rapidamente na deterioracion di siguridad den Medio Oriente y ta keda vulnerable na mas cambio mientras e situacion ta desaroya.
