Prijs di bitcoin ta sigui baha

0
RBC Juli 2018
Funmiles-2018

AMSTERDAM, Hulanda – E prijs di bitcoin diadomingo a sigui baha. Na e punta mas abao, e moneda digital aki a perde 10% di su balor.
E prijs di bitcoin diadomingo tabata 12.508 dollar, toch ainda ta ariba e punto mas abao di bitcoin di siman pasa. Diabierna ainda el a baha un tiki bou di 11 mil dollar. E dia ey, e moneda digital aki den 24 ora a perde un kwart di su balor total. Net un siman pasa, aida e bitcoin tabata tin un balor di 20 mil dollar.
Aunke cu expertonan ya pa un tempo caba tabata avisa pa no inverti den bitcoin, cual no ta regula, toch e moneda digital aki e aña aki e tabata super popular. Posiblemente e porciento abao ariba un cuenta di spaar ta hunga un rol importante akinan. Expertonan den e mundo financiero a avisa cu e bitcoin tin tur e atribuitonan di un burbuja.
Un motibo concreto pa e caida den prijs di siman pasa, no tin. No ta imposibel pa pensa cu hopi di esunnan cu a inverti trempan den aña, awo ta cosechando nan ganashi. Pero asin ames, e prijs di bitcoin ta hopi mas halto cu e 1000 dollar di aña pasa.

Fuente: https://www.telegraaf.nl

Comments

comments

C: Heineken
new india