E prijs di crudo a subi mientras cu negoshi a start despues cu den fin di siman ataquenan cu drone a kima varios facilidadnan di petroleo clave di Arabia Saudita. E facilidanan aki ta percura pa mas cu cinco porciento di e produccion global di petroleo. E “Brent Crude” a bula jega te na 19 porciento, esta 71.95 Dollar pa bari. Esaki a haci cu nan a conoce e subida di mas grandi den e ultimo 30 añanan aki. Mientrastanto e “US West Texas Intermediate (WTI) a subi mas cu 15 porciento, jegando na 63.34 Dollar pa bari. E subidanan a iguala otro mientras cu e dia a progresa pero e prijs di petroleo ta keda halto compara cu siman pasa. “Brent Crude” ta wordo getrade na mas cu 65 Dollar pa bari y WTI mas cu 58 porciento pa bari. Y subidanan aki a bini despues di e ataquenan na dos planta na Saudi Arabia, mientras cu pa pone e plantanan aki bek den funcion lo bai rekeri simannan largo. Sarah Cottle, di S&P Global Patts, a declara cu e situacion aki ta elimina e capacidad di reserva cu mundo henter tin. El a sigui bisa tambe cu e ataquenan aki pur haci cu e bari di crudo por pasa riba 70 Dollar pa bari. Segun algun experto riba e materia a bisa cu e prijs facilmente por alcanza 100 Dollar pa bari si e plantanan aki na Saudi Arabia keda demasiado dia sera. E minister di Energia di Rusia, Alexander Novak a bisa cu e ataquenan aki tin un impacto grandi pa loke ta seguridad y alavez el a bisa cu tin stock suficiente mundialmente pa corto plaza pero tur cos ta depende di cuanto tempo e plantanan aki keda sin funciona.