E situacion di insiguridad cu ta reina, tin e comunidad di Aruba sumamente preocupa, pa cual Sr. Lito Lacle, vocero di Cuerpo Policial, ta splica cu KPA ta bezig cu charlanan na diferente MFAnan tocante kiebronan den cas y kico pa tene cuenta cu esaki. Prevencion ta un trabao en conhunto cu r
Pero poco ta e personanan cu a atende e charlanan aki, dus e pueblo mes no ta mucho m,otiva pa skucha consehonan di parti di Cuerpo Policial. Den e charlanan aki a splica di 8 ciclo caminda e delincuenta e pensa y planea con pa comete su fechoria. Un di nan ta e ‘gathering of information’, dus con pa haya informacion. A splicanan tambe con pa organisa un neighborhoodwatch. Con pa crea e reglanan prome cu bay over na un chatgroup, ca iinda cu 2 or pa 3 or di marduga, no ta manda coi loco den e grupo, pa mantene e grupo mas profesional posibel. Mester conscientisa e pueblo, cu mester bay socialisa bek.
Si bay check e total di kiebronan den cas aña pasa, un total di 95 perso a a wordo deteni, pa e Team WoningIbraken, si wak cua ta e nacionalidad cu ta bin dilanti, di e 95 detencionnan aki, ta 81 tabata nacionalidad Hulandes (Arubiano). Esey ta importante pa loke ta cifranan pa Cuerpo Policial.
Pa loke ta e Neighborhood Watch, hopi ta e barionan cu a crea un grupo di whatsapp, Sr. lacle a bisa cu KPA a duna charlanan tocante Neighborhood Watch den cierto barionan, e kiebronan den cas a baha basta. Esey ta pa motibo cu e habitantenan a bira consciente di kico nan por haci pa preveni e ladronica den nan bario. Un di e cosnan hopi importante ta pa nan siña conoce nan bisiña, pa cuida “lomba” di nan bisiña. Si bo wak algo sospechoso, e bisiñanan por avisa polis y laga nan check cu e persona sospechoso. Esaki ta importante den un Neighborhood Watch su grupo di Whatsapp.
Tin 8 fase den un planificacion di un delincuente, cual 4 por tin control ariba dje. Ora cu’n desconoci pidi informacion di bo bario, esaki no ta normal. Tin hopi puntonan cu KPA ta duna conseho ariba nan.
Por a compronde di cierto medionan di comunicacion, cu drone ta wordo maluza pa comete kiebronan den casnan. Tur esakinan ta cosnan cu nan mester ta proactivo bezig cun’e. Y como Cuepro Policial, nan mester comunica na pueblo di Aruba pa nan sa di dje. Comunidad mester ta consciente di e ladron, pero tambe di tecnologia. Algo cu ta hopi importante, si wak cifranan di 2016-2017, e lunanan cu mas kiebro ta tuma luga den temporada di vakantie. Esaki door cu e mesun comunidad ta pone cosnan riba social media.
Modernismo a haci su entrada, incluyendo pa e malhechor. No ta tur cos por pone ariba rednan social.
Prevencion ta un trabao en conhunto, di tanto comunidad como di Cuerpo Policial, segun Sr. Lito Lacle, vocero di Cuerpo Policial.