Ariba Dia Internacional di Abuso di Droga y FADA ta para keto ariba un dia asina importante. Sra. Rulienne Arends, di FADA ta amplia mas ariba e dia aki.
No solamente na Aruba, pero tambe internacionalmente, pa dos aña caba, nan ta uzando e mesun lema: Skucha prome. Dicon esaki? Paso ta importante pa skucha nos muchanan y nos hobennan. E aña aki FADA a pone enfasis ariba prevencion pero no solamente prevencion, cual ta hopi importante. Pero unabes cu bo ta wak e studiantenan durante un charla di 45 minuut y un ora, e hendenan di FADA ta bay.
Despues di esaki e educadornan, e mayornan, esunnan cu ta lanta nos muchanan, nos hobennan. Ta keda na nan tambe, pa pone un tiki di nan stempel ariba e muchachanan. FADA ta cuminsa, nan ta habri e porta, pero e ta keda na nan pa papia cu e muchanan, skuchanan, kico nan tin di bisa, y kico nan tin di putnra. Traha ariba e parti social di e muchanan.
Ariba un dia manera awe, si un docente den klas, cuminsa cu’n debate y e tema ta droga. Wak kico ta e pensamento di e muchanan over di cierto topiconan na Aruba. Esaki ta loke FADA ta pone hopi enfasis ariba dje. Prevencion ta un parti hopi chikito.
Durante cu FADA tabata na un scol, nan a haya un pregunta di un di e muchanan, tabata cu el a wak ariba rednan social, con nan ta haci cu tur e droganan. Y na algun pais Latinoamericano, nan ta hinca e droga den un bara di habon. Dus e no ta bin na solamente den forma di cuminda of dne forma di mangel. Pero awo nan ta hinca e cocaina den un bara di habon, pa despues purba trafica esaki pa otro paisnan. Dus droga awo ta bin den diferente forma. Dus FADA ta wak tur documentario di kico ta pasa na paisnan grandi, pasobra cu esakinan ta cosnan cu ta yega Aruba tambe.
FADA ta yuda su mes prome, hunto cu tur otro departamento tanto local como internacional, pa nan informa pueblo pa ta cauteloso. Ora di bay biaha, sea cauteloso di kico nan ta “regalabo”. Den un futuro FADA ta preparando diferente programa, unda cu nan lo informa tanto hoben como adulto, den ki forma droga ta yegando otro paisnan, cu no ta solamente mangel, pero tur loke nan ta purbando di haci, pa asina tur hende ta na altura di esey.
Ta danki na e scolnan cu FADA por yega cerca di e hobennan na scol. Pero ora ta duna un charla na un compania, bo ta dunando e momento ey, e trahado tin su petchi di trahado bisti y no di mayor. Loke FADA lo kier haci den e proximo simannan, mirando cu scolnan a cera, lo ta pa sinta cu diferente departamento y personanan, pa asina wak den ki forma ta ideal, pa mayornan, cu no ta trahando, pa duna esakinan informacion, unda cu nan tin e petchi di mayor bisti.
Den temporada di vakantie ta ideal pa hinca varios programa nobo den otro, pa asina cu scol cuminsa, cu tur hende ta bek for di vakantie, por acerca mayor- of futuro mayornan. Asina Sra. Rulienne Arends, di FADA a termina bisando.