Presupuesto di pais Aruba ta ariba e bon caminda, segun minister di Finanzas, Sr. Angel Bermudes y esaki lo mester ta cla prome cu fin di aña. E ta amplia mas ariba e tema aki.
Pa e fin di siman aki of e comienso di otro siman, e lo mester haya e prome concepto. Directie Financien ta elaborando duro ariba dje. Mester a caba cu e raportahe di di dos cuartal y prome cu esey mester a caba cu e cuenta anual 2016. E capacidad ariba e tereno aki ta limita den Directie Financien, pero nan ta trahando duro ariba dje.
E ta den espera di e prome draft pa Minister por repase hunto cu su coleganan pa asina den cierto modo, nan por finaliza tambe e proposicion di 2018 pa e cuminsa e caminda legal.
Sr. Bermudez ta convenci cu e lo wordo finalisa prome cu fin di aña y prome cu 2018 inicia. Retonan tin tur aña ora di prepara e presupuesto, muy en particular door cu mester tene na cuenta e norma cu ta valido a base di e ley di supervision, caminda cu pa otro aña mester tin un presupuesto balanza y esey ta trece cun’e cu mester evalua y reevalua e gastonan y particularmente elabora cu e ministernan concerni, unda nan por reduci cierto gastonan pa mantene e nivel di maneho cu nan ta premira.