Segun presidente di Parlamento, Mervin Wyatt-Rass, e presupuesto aki a conoce hopi mocion cu a haya sosten di gran mayoria di e parlamentarionan.
E ta sigui splica cu e presupuesto di pais Aruba, tur e diferente departamentonan a haci nan trabao cu e suma cu nan ta haya y ta spera en todo caso ta un punto cu a bin dilanti cu a wordo presenta hopi mocion, pa Gobierno ehecuta e mocionnan. Tin cu bisa di experiencia di Wyatt-Ras, den mayoria caso si nan ta wordo ehecuta, por ta no den un aña, pero a lo largo. Como parlamentario pa cada bin bek riba dje, tin cierto puntonan semper cu ta bin cu nan y ta ripara cu a lo largo nan ta wordo ehecuta. Un di nan ta e instancianan cu ta wordo subsidia unda cu tin di nan ta keha cu un ta haya mas placa cu otro, mientras un otro ta traha mas duro ta haya menos placa. Aki a bin cu un sistema di subsidio pa asina controla e output. Eynan ta un mocion cu e presidente mes a entrega y awor aki Gobierno ta ehecutando e. Otro ta Bureau Sostenemi, unda cu a pidi pa pone placa pa e bureau aki pa haya mas trahado pa e cuminsa funciona, Gobierno e ehecut’e den un paar di luna. Ta algun ehempel, pero tin mas. A wordo comenta si pa sigui follow up y pa Gobierno ehecuta nan, por ta mas pronto posibel y a corto plazo pa loke ta e deseonan di Parlamento por wordo ehecuta.