TEXAS, Merca- E Cubano Miguel Díaz García, cu tabata cumpli un condena den un prizon na Bronwnsville, Texas a wordo tira mata door di polis despues cu esaki a huy for di e prizon, provocando morto di dos persona. Un di e personanan cu a fayece tabata e agente di siguridad cu tabata cuid’e den prizon.
Díaz García, di 38 aña y kende tabata wordo clasifica como “prizonero peligroso” door di su antecendetenan penal, tabata tin un confrontacion violento cu e guardia di siguridad Jose Antonio Tella, den e parkeerplaats di e clinica pediatrico ABC.
Segun testigonan a confirma na polis, e Cubano tabata tin un obheto cu punta skerpi scondi den su paña cu cual el a logra agredi e guardia varios biaha te cu esaki a perde forsa, y Diaz Garcia a probecha pa kita su arma reglamentario for di dje, y tambe su faha cu cartuchonan di bala.
Despues di esaki, Diaz a bay den un vecindario cerca di e escena di e crimen pa drenta den e cas di Mario Alfredo Martínez, ta horta su auto y ta los varios tiro ariba e victima.
E fugitivo a wordo persigui door di polis te cu a cuminsa un intercambio di bala entre nan cu a culmina cu e morto di e agresor.
E homber di origen Cubano tabata conta cu varios expendiente criminal archiva for di 2015, den e condado di Cameron pa delitonan relaciona cu robo, asalto, amenasanan terorista y joyriding.
Fuente: www.yusnabypost.com