Diabierna den careda di 11’or di mainta personal na KIA durante un control den celnan di e personanan adicto a tuma nota di un di e presonan masculino a pone fin na su bida. A bati alarma di biaha y haci e trabounan necesario di kita loke e persona tabatin na su curpa y a notifica e dokter cu tin den KIA mes.
A solicita yudansa di paramediconan di ambulance, unda dos unidad di ambulance cu urgencia a presenta. A sigui cu e practica di reanimacion pa basta rato pero sin resultado di pulso y a notifica pa dokter constata morto y yama e auto funeral. Ta trata di Vd Linden di Savaneta cu ta bishita e centro di FMMA na KIA.
Vd Linden ta un persona conoci pa e bario di Savaneta y Rooi Koochi balente ta yuda tur hende ora pidie un fabor.