CARACAS, Venezuela – E presidentenan di Venezuela y Colombia a acorda habri “di manera progresivo” nan frontera, despues cu Caracas a dicidi su ciere como parti di un medida pa frenta e fluho di biyetenan di 100 bolivar, e di mayor denominacion y ainda vigente tras un cono nobo monetario.
E presidente Venezolano, Nicolas Maduro, a dicidi e ciere temporal despues di a saca for di circulacion e biyete di 100 bolivar, cual el a busca pa debilita e “mafianan cambiario”, pero e medida a genera un crisis di efectivo den e pais petrolero cu a conduci na disturbio y sakeo.
Maduro a ordena e ciere di e frontera pa 72 ora dia 13 di December ultimo, sin embargo, dianan despues el a extende e medida.
“(E) presidentenan a instrui nan ministernan di Defensa pa coordina accionnan inmediato pa e normalisacion di e frontera,” minister di Comunicacion, Ernesto Villegas a skirbi mey anochi di dialuna riba su cuenta di Twitter.
E funcionario a splica cu e mandatario Colombiano, Juan Manuel Santos y maduro a combersa via telefon, tras precisa cu e frontera lo wordo habri “na nivel cu ya a existi cu vigilancia estricto y siguridad.”
E minister di Defensa Venezolano a informa cu for di e prome oranan di diamars lo permiti incialmente paso peatonal.
“Mi a combersa cu dr. Luis Carlos Villegas, Minister di Defensa Colombiano, pa aumenta e coordinacion operacional contra mafia,’ minister Vladimir Padrino, a skirbi diamars marduga riba su cuenta @vladimirpadrino riba e red social Twitter.
E presidente di Venezuela a denuncia cu gruponan vincula na casnan di cambio cu ta opera dene ciudadnan fronteriso di e banda Colombiano, ta extra biyetenan for di Venezuela (en especial esunnan di 100 bolivar) pa haci operacionnan cambiario y otro neogshinan, cu a bin ta debilita e moneda Venezolano compara cu dollar.
Fuente: Reuters