Presidente Santos di Colombia ta ofrece recompensa pa captura di responsabelnan di atake
BOGOTA, Colombia- Presidente di Colombia, Juan Manuel Santos, a ofrece un recompensa di 100 miyon peso (mas di 30 mil dollar) na esun cu duna e informacion cu por permiti a captura di e responsabelnan di e atentado den un centro comercial di Bogota, diasabra ultimo.
Segun e website oficial di e presidencia Colombiano, diadomingo Santos a lidera e Conseho di Siguridad, hunto cu e alcalde di Bogota, e fiscal general di e pais, e vice- presidente y otro funcionarionan halto pa asina evalua e situacion despues di e atentado den e centro comercial Andino cu a laga por lo menos tres persona morto.
Despues di e reunion di e Conseho, Santos a manda un mensahe di unidad y solidaridad na e esunnan afecta. El a bisa tambe cu un di e heridonan ta sigui di ta den Intensive Care.
“Solamente un sociedad uni por vence na esunnan violento. Y awe mi ta pidi e Colombianonan pa nos actua cu serenidad, pero mas cu tur, cu unidad, pasobra no tin bom, cu por vence e voluntad di un pueblo uni”, e presidente a bisa, den un comunicado di prensa.
“Den pasado Colombia a enfrenta terorismo, cu hopi exito, nos sa con pa actua. E pueblo Colombiano tin e prudencia, e flexibilidad, e balor pa combati esaki y cu exito”, el a bisa.
Un explosion den e Centro Comerical Andino di Bogota, Colombial, diasabra, a cobra bida di tres persona y 11 persona a keda herida. E alcalde di e capital, Enrique Peñalosa, a califica e hechonan como un “atentado terorista cobarde” y el a confirma cu un di e victimanan ta e ciudadano Frances, Julie Huynh di 23 aña, kende tabata na e pais pa duna un servicio social, y tabata traha den un scol den un sector popular. El a bin pa 6 luna.
Presidente Santos di Colombia ta ofrece recompensa pa captura di responsabelnan di atake
BOGOTA, Colombia- Presidente di Colombia, Juan Manuel Santos, a ofrece un recompensa di 100 miyon peso (mas di 30 mil dollar) na esun cu duna e informacion cu por permiti a captura di e responsabelnan di e atentado den un centro comercial di Bogota, diasabra ultimo.
Segun e website oficial di e presidencia Colombiano, diadomingo Santos a lidera e Conseho di Siguridad, hunto cu e alcalde di Bogota, e fiscal general di e pais, e vice- presidente y otro funcionarionan halto pa asina evalua e situacion despues di e atentado den e centro comercial Andino cu a laga por lo menos tres persona morto.
Despues di e reunion di e Conseho, Santos a manda un mensahe di unidad y solidaridad na e esunnan afecta. El a bisa tambe cu un di e heridonan ta sigui di ta den Intensive Care.
“Solamente un sociedad uni por vence na esunnan violento. Y awe mi ta pidi e Colombianonan pa nos actua cu serenidad, pero mas cu tur, cu unidad, pasobra no tin bom, cu por vence e voluntad di un pueblo uni”, e presidente a bisa, den un comunicado di prensa.
“Den pasado Colombia a enfrenta terorismo, cu hopi exito, nos sa con pa actua. E pueblo Colombiano tin e prudencia, e flexibilidad, e balor pa combati esaki y cu exito”, el a bisa.
Un explosion den e Centro Comerical Andino di Bogota, Colombial, diasabra, a cobra bida di tres persona y 11 persona a keda herida. E alcalde di e capital, Enrique Peñalosa, a califica e hechonan como un “atentado terorista cobarde” y el a confirma cu un di e victimanan ta e ciudadano Frances, Julie Huynh di 23 aña, kende tabata na e pais pa duna un servicio social, y tabata traha den un scol den un sector popular. El a bin pa 6 luna.
Fuente: www.cnnenspanol.com