BOGOTA, Colombia – Presidente di Colombia, Juan Manuel Santos, lo biaha pa Merca pa haci examennan medico, despues di a detecta un aumento den e antigeno prostatico, e mandatario a anuncia durante un rueda di prensa den un clinica di Bogota.
Santos a papia hunto cu su dokter, Felipe Gomez. E dokternan a bisa cu e decision a wordo tuma ora a detecta abnormalidadnan durante su checkeo di rutina diamars.
Na October di 2012, Santos a somete su mes na un cirugia pa retira un tumor na e prostaat. Como parti di su biahe pa Washington, diaranson, pa reuni cu funcionarionan di Gobierno, Santos lo wordo admiti den e hospital John Hopkins na Baltimore, pa determina si e cancer a bin bek.
Fuente: CNN en Español