Internacional: Presidente Vladimir Putin a yega Iran diamars mainta pa un serie di reunion nan cu presidente Irani sr.Ebrahimi Raisin a Tehran y cu presidente Turco sr.Recep Erdogan sin laga afo e lider supremo di Iran sr.Ayatollah Khamenei.
Den un reunion bilateral cu president Raisin president Putin a cuminsa na bisa di ta content di ta riba tera Irani, gabando di e cifra nan record halto pa loke ta trata intercambio economico entre e dos pais nan y pa loke ta e fortificacion di cooperacion asuntonan di seguridad internacional por ehempel nan contrubucion pa calma conflicto na Siria.
Presidente Raisin a su turno a gaba di loke ta nan compromiso pa coperacion entre e dos pais nan pa loke ta regarda seguridad y nan bon experencia den e lucha contra terrorismo.
Sr.Khamenei a comenta cu e cooperacion mutuo entre Rusia y Iran ta sumamente beneficioso pa tur dos pais y e eventonan actual rond di mundo ta un muestra di e necesidad pa crecemento di cooperacion entre Rusia y Iran referiendo na e guera di Putin na Ukraina, sr.Khamenei a sugui comenta cu e expancion di e aliansa pa seguridad NATO tin cu wordo para paso segun sr.Khamenei NATO ta un entidad peligroso y si laga espacio habri nan no lo reconose ningun limite y ta pa es motibo cu e oficialnan di e region oeste ta contra di un Russia independiente y fuerte. Den e mesun declaracion sr.Khamenei sigui na bisa cu si NATO no a wordo para na Ucrania nan lo a wordo para den un guera similar na Crimea.
E relacion entre Russia y Iran tin oficialnan di e region nan oeste riba alerta halto mirando cu Putin ta preparando pa ramp up su ofensa riba tera den e region oriental di Ukraina despues cu forsa military Ruso a captura e region di Luhansk.
Recientemente den un raport di inteligencia declasifica na Merca ta indica di ta sospecha Iran di ta preparando pa yuda Russia cu cientos di drones incluiendo drones nan cu tin e capacidad di wordo arma cu armamiento pa uza den e guera contra Ukraina. Iran ta preparando pa cuminsa entrena forsa militar ruso con pa opera nan mas tarda comienso di augustus segun ofiacialnan di cas blanco na Washington.