VERACRUZ, Mexico – E presidente municipal di Mixtla de Altamirano, Maricela Vallejo Orea, a wordo tira mata ora cu tabata desplasa su mes den su auto, den un atake arma caminda cu a fayece tambe su casa y su chauffeur.
Maricela Vallejo Orea, alcalde di e municipio Mixtla de Altamirano, den e estado di Veracruz, Mexico a wordo asesina diaranson anochi den un atake arma segun e secretario di Siguridad Publica di Veracruz, Hugo Gutiérrez Maldonado.
E hechonan aki a tuma luga mientras cu e alcalde tabata den bayendo den su auto pa e caminda Zongolica-Orizaba, hunto cu su casa, Efrén Zopiyactle, y su chauffer. Tur tres a fayece den e atake aki.
Forsanan Federal, siguiendo instruccionnan di e gobernador di estado, Cuitláhuac Garcia, a desplega un operativo di buskeda y localisacion di e responsabelnan di e atake arma.
Di otro banda, Garcia a ofrece su condolencia pa e crimen aki na famia di Vallejo Orea, a trabes di rednan social, bisando cu “husticia lo prevalece”.
Maricela Vallejo Orea, cu tabata e presidente municipal di e poblacion aki di 10 mil habitante, desde 2018, tabata milita den e partido Morena, di e presidente di Mexico, Andres Manuel Lopez Obrador.
E inseguridad den e esetado di Veracruz, manera e resto di e pais, den un di e preocupacionan mas grandi: den e prome 3 lunanan di 2019 un total di 591 asesinato y 111 secuestro a tuma luga. Esaki ta segun datonan publica dia 20 di april pa e Secretariado Ehecutivo di e Sistema Nacional di Siguridad Publico.