Presidente di Mexico, Enrique Peña Nieto a bisa diaranson, cu pais “lo no bay paga pa ningun muraya”, desafiando Presidente Mericano Donald Trump, cu ta pretende pa Mexico paga pa e construccion di e muraya. Pero e no a cancela su biahe pa Merca di otro siman.
Peña Nieto a bisa di lo spera un informe final for di su funcionarionan halto cu a yega Washington pa topa cu conseheronan di Trump prome cu tuma decision riba cual lo ta siguiente paso. E presidente Mexicano a bisa tambe cu el a duna ordo pa agencianan gubernamental pa intensifica e proteccion pa inmigrantenan. El a finalisa su mensahe reiterando cu Mexico ta duna respet y ta spera di haya respet bek.
Trump a firma dos ordo ehecutivo duna ordo pa construccion di un muraya na e frontera Mexicano- Mericano, hisa intensifica patruya fronteriso y aumenta e cantidad di oficialnan di inmigracion cu ta encarga cu deportacion.
Peña Nieto a bisa cu su gobierno ta prepara pa negocia cu Merca si soberania Mexicano wordo respeta. El a delinea un integracion economico y respet pa e derecho di migrante y e placa cu esakinan ta manda bek cas, como e puntonan cardinal den negociacionnan.
“Ni confrontacion ni sumision. Dialogo ta e solucion”, Peña Nieto a declara.