CARACAS, Venezuela- Ochenta y cinco mil envelop di micronutrientenan den polvo, cu ta representa 20 racion cada uno, pa e atencion di muchanan di entre 0 cu 3 aña di edad y c4500 suplemente nutricional pa muhenan na estado. Esaki ta loke e president interino di Venezuela, Juan Guaido, a entrega na organisacionnan humanitario di Iglesia Catolico pa atende cu e poblacion mas vulnerabel.
“Danki pa e trabao cu boso a bin ta haciendo ya pa varios aña, esaki ta e prome fase, nos sa cu e no ta suficiente, p’esey nos ta insisti den e ayudo humanitario cu mester drenta Venezuela, habri un centro di intermediacion pa por atende entre 200 pa 300 mil Venezolano cu ta core peliger di fayece”.
El a sigui bisa cu a haci “esfuersonan importante” pa yega na e prome parti di Caracas, y cu apenas esaki ta e comienso di tur loke mester bin, ya cu “e ayudo humanitario ta un realidad” y cu lo sigui avansa pa atende cu henter e poblacion cu ta victima di e crisis humanitario y social cu Venezuela ta bibando.
Guaido e enfatisa di cu na niun momento tabata e intencion di politisa e yudansa, sino pa por distribui esaki rapidamente cu e participacion di Organisacionnan No Gubernamental (NGO).
Un biaha mas el a haci un apelacion na ehercito nacional pa permiti e entrada di yudansa humanitario, ya cu ademas di atende cu e victimanan, ta necesario pa controla e emergencia humanitario.
“Mientras cu otronan ta papiando di guera, di militarismo, nos ta papia di yudansa, di salba vida na Venezuela, di construi un a base di boluntarionan, sin precedente den nos pais cu ta pa precisamente atende esunnan cu mas mester di dje. Ta un yamada pa registra bo mes y forma parti di e gran movemento aki, y por haci esaki via e link www.voluntariosxvenezuela.com”.