Diaranson lo cuminsa cu e congreso di sindicato FTA pa asina defini diferente punto di preocupacion cu ta biba den nos comunidad. Nos a papia cu presidente di e sindicato, Hubert Dirksz, kende a splica cu ta spera di bay tin un mayoria grandi di delegadonan cu lo bay tey presente. Ta spera cu akinan lo trata tur e puntonan cu ta di molester pa e trahadonan. Sigur lo duna cuenta di tur e desaroyo cu FTA ta pasando aden, tanto di e sectornan economico manera sector di hotel, sector di construccion, e asunto di refineria y tambe e otro sectornan di comercio, tur eseynan, ta duna cuenta di esey. Tambe di e situacion general, manera otro asuntonan cu ta antende, caminda cu tabata tin discusion sea cu Gobierno, of cu otro instancianan. FTA lo informa e congreso y congreso e ora duna su punto di bista critico y tuma decisionnan unda cu ta necesario. Logicamente tin e programanan cu mester papia riba dje, manera e programa di formacion, con e ta bayendo y con por sigui traha na bienestar di e miembronan di FTA.
Segun Dirksz, CAOnan ta bayendo basta bon. Sinembargo por nota e ultimonan, el a bira basta dificil. Tin cu traha pa yega na un acuerdo y esey kisas ta bay hala atencion. E otro ta kere cu e asuntonan general manera di criminalidad, manera kisas asunto di All Inclusive, asuntonan otro cu ta refineria. Tur esakinan lo bay haya atencion den e congreso aki y lo mester bin cu un opinion. Loke tin pendiente tambe, cu Gobierno no a contesta FTA riba dje, of el a contesta, pero a sinta finalmente pa yega na un acuerdo, ta e asunto di cobramento pa recoge sushi. Te cu awe no a yega na un acuerdo. Ta compronde si cu un minoria ta pagando Serlimar y ta lamenta esey pasobra si Gobierno a percura pa yega na un acuerdo, awe e situacion ta diferente. Ta sigui bisa cu mientras cu no tin un tarifa social, tarifa husto, ta bisa pa e trahado no paga.
En todo caso, e congreso lo bay ta exitoso, segun Dirksz y ta cumpli cu loke e statutonan ta exigi di e sindicato.