Presidente Filipino ta menasa detene esnan cu no vacuna

Presidente di Filipinas a menasa di ordena detencion di Filipinonan cu ta nenga di vacuna nan mes contra COVID-19 y a bisa nan pa miho nan bay for di e pais si nan no kier coopera cu e esfuersonan pa trata di wanta e pandemia.

Rodrigo Duterte, kende ta conoci pa su explosionnan publico y su reaccion fuerte, a bisa den declaracionnan emiti na television dialuna anochi cu e ta fada cu e hendenan cu ta nenga pa tuma e vacuna y cu di e forma ey nan ta yuda pa plama coronavirus.

“No compronde mi robes. E pais aki ta pasando den un crisis. Tin un emergencia nacional. Si boso no kier vacuna, mi ta detene boso y mi ta hinca e hangua na boso atras,” Duterte a bisa a bisa.

“Si boso no kier vacuna, bay for di Filipinas. Bay India si boso kier of otro parti, Merca,” el a bisa agregando cu e lo ordena e lidernan di e pueblonan pa colabora cu un lista di e residentenan cu ta nenga di tuma e vacuna.

Un Abogado Derecho Humano, Edre Olalia, a expresa su preocupacion pa e menasa di Duterte afirmando cu e presidente no por ordena detencion di ningun hende cu no a comete un delito pa ley.

Duterte y su gobierno a haya criticanan pisa pa un campaña di vacunacion marca pa problemanan di suministro y e rechaso di e poblacion. Despues di varios retraso, e inmunisacion a cuminsa den luna di maart.

E presidente a tira culpa di e problemanan na e paisnan rico di occidente cu a bay cu mayoria di e vacuna pa nan ciudadanonan, lagando e nacionnan pober, manera Filipinas, atras.

Filipinas ta un foco importante di COVID-19 na Asia, cu mas di 1.3 miyon di contagio confirma y al menos 23.749 persona fayeci.

Comments

comments