E decision a bin despues cu a detecta cu e mandatario tabata envolvi den actonan di corupcion creando fundacionnan cu tabata dedica na extorsion.
E tribunal di Zuid- Korea a informa cu despues di un votacion unanime, e president di e pais, Park Geun-hye, lo wordo kita for di su cargo debi na su vinculonan cu e trama di corupcion “Rasputin”. Esaki ta e prome caso, desde e implantacion di democracia den e pais aki, den decadanan ochenta di siglo pasa, una cu un mandatario elegi ta wordo separa for di su cargo.
Debi cu Ministerio Publico ta considera Park Geun-hye un di e sospechosonan principal di e caso, e ex- mandatario a wordo despoha di su inmunidad. Mientras tanto Zuid- Korea ta obliga di tene eleccionnan presidencial den un termino di 60 dia.
Park, di 65 aña, a bin na poder na 2012, siendo e prome muhe den ocupa e cargo. Y a pesar di a wordo eligi cu e di dos porcentahe mas halto di historia democratico di e pais, e ta retira como esun menos popular.