Diamars ultimo President saliente di Merca, Barack Obama a otorga indulto na Oscar López Rivera. Esaki ta trece cune’e tambe, cu Venezolanonan riba rednan social a cuminsa corda con dos aña pasa, e mandatario Nicolas Maduro a propone un intercambio entre e independista Portoriqueño y e preso politico, Leopoldo Lopez.
E mandatario Venezolano a bisa di a4 di Januari 2015 cu “e unico forma cu mi por uza e podernan presidencial cu constitucion ta dunami pa laga e (Leopoldo Lopez) den libertad, ta si nan pone den un avion, mand’e Merca y pa nan entrega mi Oscar Lopez Rivera”. Esey ta e unico manera, e mandatario a declara e tempo ey.
Maduro a gradici Obama pa e liberacion di e lider social Portroriqueño cual a wordo anuncia door di Obama, den su ultimo siman na mando. Presidente di Venezuela, Nicolas Maduro, a celebra den cadena di radio y television e decision di Obama, mientras el a califica Oscar Lopez Rivera di ta e “Nelson Mandela di e independencia di Puerto Rico”.
Pero Maduro no a menciona e proposicion di intercambia Leopoldo Lopez durante e transmision di diamars.