Presidente di Tweede Kamer, Martin Bosma, no lo asisti n’e conmemoracion nacional di sclavitud dia prome dia juli, segun NiNsee a informa NU.nl. E miembrodi PVV a acepta retira su invitacion despues di a consulta cu e instituto di sclavitud debi na su declaracionnan controverti riba e pasado esclavista.
E organisado, NiNsee, a dicidi previamente retira e invitacion di Bosma si no a opta pa keda pafo boluntariamente despues di un combersacion. E instituto ta afirma cu e decision di retira e invitacion a wordo tuma awe mainta den consulta mutuo. Segun NiNsee, e presidente di Tweede Kamer “ta reconoce e importancia di un conmemoracion digno.”
Bosma no lo manda un reemplaso, loke ta nifica cu durante e conmemoracion no lo pone un krans den nomber di Tweede Kamer n’e monumento Nacional di Sclavitud.
“Bosma a yama e lider esclavo y heroe di e resistencia Tula pa criminal, kende a wordo rehabilita p’e estado,” Liinda Nooitmeer, presidente di NiNsee a splica riba e decision di e instotuto di sclavitud. “E tipo di declaracion aki ta un bofta den cara di e descendientenan di e personanan sclavisa.”
Como miembro di Tweede Kamer, Bosma tambe a expresa cu el a bira “loco” p’e atencion n’e pasado esclavista di Hulanda. E miembro di PVV tambe tabata kier a hala atras di e disculpanan ofreci p’e estado na final di 2022, ripiti pa Rey Willem-Alexander durante e ultimo conmemoracion di sclavitud.
E instituto di sclavitud kier evita manifestacion “a toda costa”
Otro razon pa NiNsee tabata cu a spera protesta contra e presencia di e presidente di Tweede Kamer. “Nos kier a evita a toda costa tin cu actua contra hende cu legalmente kier manifesta contra e presencia di Bosma den e conmemoracion,” Nooitmeer a bisa. “P’esey mi tabata dispuesto pa tuma e medida extremo aki.”
Glenn Helberg, den representacion di un coalicion di mas di 150 persona y organisacion cu a opone n’e presencia di Bosma, a cualifica su ausencia como “un gran noticia.” Tambe el a expresa su satisfaccion pasobra NiNsee “a scucha e comunidad.”
Hellberg a señala cu e obhetivo di e coalicion tabata pa evita e presencia di Bosma. Cu e ausencia di e presidente di Tweede Kamer, e conmemoracion di sclavitud por tuma luga dignamente, segun Hellberg. Por lo tanto, no ta mira rason pa manifestacion durante e conmemoracion di sclavitud dialuna, “cu excepcion pa honra.”
Bosma a ricibi invitacion como presidente di Tweede Kamer
For di december, Bosma ta presidente di Tweede Kamer. Den e funcion neutral aki, el a ricibi un invitacion di NiNsee pa pone un krans den nomber di parlamento durante e Conmemoracion Nacional dia prome di juli n’e Monumento Nacional di Sclavitud den Oosterpark di Amsterdam.
E presencia planea presencia di Bosma a provoca hopi critica di e personanan cu a considera cu tabata un ofensa p’e personanan sclavisa y nan descendientenan. P’esey, NiNsee a propone n’e presidente di Tweede Kamer, den un carta, p’e manda un reemplaso. E decision di asisti o no a lag’e inicialmente den man di Bosma.
Poco despues, mas di 150 Hulandes prominente y organisacion social a bisa cla n’e miembro di PVV cu e no tabata bonbini n’e conmemoracion. “No ta posibel separa e funcion di e persona di Martin Bosma,” nan a skirbi.
Den nomber di NiNsee, Nooitmeer a afirma cu Bosma no mester antepone su persona n’e conmemoracion nacional di sclavitud. “Na iinteres di e conmemoracion y di e pais, e mester dal un paso atras.”
Gobierno demisionario ta manda nuebe miniser n’e conmemoracion
E gobierno demisionario Rutte IV lo manda un delegacion amplio n’e Conmemoracion Nacional den Oosterpark di Amsterdam. E miembronan ta desea di subraya e importancia di e conmemoracion, segun minister Robbert Dijkgraaf (Educacion, Cultura y Ciencia) a afirma.
Ya tabata sa cu prome minister Mark Rutte lo bay asisti. Hunto cu ne, tambe lo tey presente e vice-prome ministernan Rob Jetten, Karien van Gennip y Carola Schouten. Fuera di esey, e ministernan Hanke Bruins Slot, Robbert Dijkgraaf, Dilan Yeşilgöz, Kajsa Ollongren, Franc Weerwind y e secretario di estado Alexandra van Huffelen lo asisti n’e ceremonia.
