SEOUL, Sur Corea – Presidente di Sur Corea, Park Guen-hye, lo wordo investiga “como sospechoso” den un creciente escandalo di corupcion, despues cu tres perosna a wordo oficialmente imputa pa e caso.
No obstante, cualkier cu ta e resultado di e indagatoria, Park no lo enfrenta cargo debi na su inmunidad como presidente.
Fiscalnan Coreano a bisa diadomingo cu tabata tin suficiente evidencia pa acusa Choi Soon-sil, amiga di e presidente, mescos cu su antiguo asesornan, An Chong-bum y Chung Ho-sung.
Lee Young-ryol, fiscal encarga di e investigacion, a bisa Choi y An ta enfrenta cargonan pa abuso di poder, fraude y corupcion, mientras cu Chung ta wordo acusa di a filtra documentonan clasifica na Choi pa email, telefon y fax.
Park lo bira e prome presidente den funcion di wordo investiga como sospechoso, segun Paul Hancocks, di CNN.
Di acuerdo cu e Constitucion di Sur Corea, un presidente no por wordo acusa di unc rimen, cu excepcion di e delitonan di insurecion of traicion.
E escandalo a cuminsa ora cu e cadena JTBC, afilia na CNN, a haya evidencia cu Choi a ricibi documentonan secreto den un tablet electronico bandona.
Ora cu tata di Choi a fayece, el a succede como lider di e Iglesia di Vida Eterno. Pa añanan largo, e tabata guia spiritual di e presidente y a yega na wordo considera como un “Rasputin”, di Park.
Choi a wordo aresa na November, e ta acusa di a probecha su relacion cu Park pa gana miyones di dollar den donacion den su varios fundacion. Park a disculpa varios biaha pa su papel den e escandalo.
Miles di persona a sali riba caya di e pais Asiatico pa exigi e renuncia di e presidente.
Fuente: CNN en Español