Presidente di Simar ta lamenta loke a pasa na Cacique Macuarima un golpi pa nos enseñansa

Sra Josephine Albertus presidente di Sindicato di SIMAR a presenta dialuna mainta na Cacique Macuarima School despues di e candela grandi riba algun lokaal marduga, Sra Josephine ta haya esaki un caso lamentabel pa wak.

Presidente di Simar ta lamenta situacion na Cacique Macuarima

Presidente di Simar ta lamenta situacion na Cacique Macuarima

Posted by MasNoticia.com on Monday, January 13, 2020

Mi a cana den e scol y mira e cuatro lokaalnan cu a keda afecta pa motibo di vandalismo unda a kima esaki y dos lokaal basta destrui y e otro dosnan ta daño di awa y huma, y ta pica pa mira e situacion aki.

Maestronan ta bin scol cu hopi amor pa duna e muchanan les y pa bo wak e vandalismo cu a keda haci y e siman aki no por tin scol pa e muchanan debi cu mester inventarisa tur cos cu a kima y no tin coriente. Muchanan cu ta haci vandalismo no ta ripara e consecuencia cu e ta trece cune y awor aki tur e trabounan di e muchanan y e docente a kima y tur cos a keda kima y mester wak con pa busca esaki bek y ya caba nos sa cu den enseñansa falta di finansia y e situacion aki ta bira uno mas pisa. Mi ta contento di mira tur docente na e scol hunto cu e cabesante y e apoyo cu nan ta hayando y ta spera cu esaki ta algo cu nos por apoya, otro scol y instancianan pasobra nos sa cu enseñansa ta hopi importante y e ta forma e parti di un futuro di e pais y nos no por lage asina aki y nos tin traha lihe riba e situacion aki.

Tin biaha e malechornan cu ta haci tipo di actonan aki no ta pensa esaki ta un gasto grandi pa nos enseñansa y porta bo ta rabia y kier haci algo mala mucha pero tin consecuencia cune y esaki ta algo pa largo plaso y nan no ta pensa riba e situacion aki, y si cana aki den y mira e situacion di e scol bo ta bisa e ta lamentabel pa wak e daño grandi, un borchi digital cu ta placa a keda destrui, material, airco, banki, stoel y mucho mas.

Comments

comments